https://wici.porth.ac.uk/index.php?action=history&feed=atom&title=Bowen%2C_Kenneth 2026-05-21T23:19:13Z Hanes diwygio'r dudalen hon ar y wici MediaWiki 1.28.0 https://wici.porth.ac.uk/index.php?title=Bowen,_Kenneth&diff=2968&oldid=prev 2021-02-15T13:39:55Z

<p>Crëwyd tudalen newydd yn dechrau gyda &#039;__NOAUTOLINKS__ &#039;&#039;&#039;Mae&#039;r cofnod hwn ymysg y cannoedd sydd i&#039;w gweld yn [https://www.ylolfa.com/cynnyrch/9781784616250/cydymaith-i-gerddoriaeth-cymru&#039;&#039;Cydy...&#039;</p> <p><b>Tudalen newydd</b></p><div>__NOAUTOLINKS__<br /> '''Mae'r cofnod hwn ymysg y cannoedd sydd i'w gweld yn [https://www.ylolfa.com/cynnyrch/9781784616250/cydymaith-i-gerddoriaeth-cymru''Cydymaith i Gerddoriaeth Cymru''], cyfrol gyhoeddwyd gan Y Lolfa ym mis Medi 2018.'''<br /> <br /> (g.1933)<br /> <br /> Ganed Kenneth Bowen yn Llanelli ac fe’i haddysgwyd yng Ngholeg y Brifysgol, Aberystwyth, a Choleg Sant Ioan, Caergrawnt, lle’r oedd yn aelod o gôr enwog y capel dan arweiniad [[George Guest]]. Yn ystod yr 1960au cynnar enillodd lawer o wobrau pwysig, gan gynnwys gwobr Cystadleuaeth Ryngwladol Munich a Gwobr y Frenhines.<br /> <br /> Cafodd yrfa ryngwladol ddisglair ac yn ôl ym Mhrydain perfformiodd ym mhob un o’r [[gwyliau]] cerddorol blaenllaw a chyda’r prif gwmnïau opera, gan gynnwys yr Opera Frenhinol yn Covent Garden, Cwmni Opera Cenedlaethol Cymru, Cwmni Opera Cenedlaethol Lloegr ac Opera Deithiol Glyndebourne. Canodd lawer gwaith yng [[Ngŵyl]] y Tri Chôr a’r Proms ac oherwydd ei ddeallusrwydd cerddorol fe’i gwahoddwyd yn aml i berfformio mewn gweithiau cyfoes. Bu’n bennaeth astudiaethau llais yn yr Academi Gerdd Frenhinol am nifer o flynyddoedd, ac o 1983 hyd 2008 ef oedd Arweinydd Corâl Cymry Llundain. Bu’n gadeirydd y Gymdeithas Athrawon Canu (1991–2) a daeth llawer o anrhydeddau iddo, gan gynnwys gradd doethur mewn cerddoriaeth er anrhydedd gan Brifysgol Cymru.<br /> <br /> Bu llais swynol Kenneth Bowen yn ysbrydoliaeth i genedlaethau o denoriaid ifanc ac mae llawer o gyfansoddwyr cyfoes yn ddyledus iddo am ei ofal proffesiynol wrth baratoi gweithiau newydd, yn eu plith [[Dilys Elwyn-Edwards]] a ddyfalbarhaodd i berffeithio ei chân enwog ‘Mae hiraeth yn y môr’, i raddau helaeth oherwydd y modd y’i hysbrydolwyd gan gywreinrwydd artistig a llais Kenneth Bowen.<br /> <br /> '''Richard Elfyn Jones'''<br /> <br /> =Disgyddiaeth=<br /> <br /> :''Mae Hiraeth yn y Môr'' (Sain SCD2570, 2008)<br /> <br /> {{CC BY-SA Cydymaith}}</div>

CadiW