https://wici.porth.ac.uk/index.php?action=history&feed=atom&title=Cothi%2C_Sh%C3%A2n 2026-05-21T20:17:33Z Hanes diwygio'r dudalen hon ar y wici MediaWiki 1.28.0 https://wici.porth.ac.uk/index.php?title=Cothi,_Sh%C3%A2n&diff=3026&oldid=prev 2021-02-27T17:43:57Z

<p>Crëwyd tudalen newydd yn dechrau gyda &#039;&#039;&#039;&#039;Mae&#039;r cofnod hwn ymysg y cannoedd sydd i&#039;w gweld yn [https://www.ylolfa.com/cynnyrch/9781784616250/cydymaith-i-gerddoriaeth-cymru&#039;&#039;Cydymaith i Gerddori...&#039;</p> <p><b>Tudalen newydd</b></p><div>'''Mae'r cofnod hwn ymysg y cannoedd sydd i'w gweld yn [https://www.ylolfa.com/cynnyrch/9781784616250/cydymaith-i-gerddoriaeth-cymru''Cydymaith i Gerddoriaeth Cymru''], cyfrol gyhoeddwyd gan Y Lolfa ym mis Medi 2018.'''<br /> <br /> (g.1965)<br /> <br /> Cantores glasurol a phoblogaidd a enillodd ei phlwyf ym myd y Theatr Gerdd yn Llundain; bu hefyd yn gyflwynydd teledu a radio (yn Gymraeg a Saesneg) ac yn actores gyda’r fwyaf amryddawn o’i chenhedlaeth.<br /> <br /> Fe’i ganed ym mhentref Ffarmers, yng ngogledd Sir Gaerfyrddin. Graddiodd mewn cerddoriaeth a [[drama]] yng Ngholeg [[Prifysgol]] Cymru, Aberystwyth, gan dderbyn hyfforddiant lleisiol gan Ken a Christine Reynolds, yna’i chymwyso fel athrawes, a bu’n dysgu am rai blynyddoedd yn Ysgol Uwchradd Caereinion ac Ysgol Gyfun Ystalyfera. Bu’n cystadlu’n gyson yn yr [[Eisteddfod]] Genedlaethol cyn troi’n gantores broffesiynol yn fuan wedi iddi ennill y Rhuban Glas yn Eisteddfod Genedlaethol Bro Colwyn yn 1995. Bu hefyd yn aelod o’r grŵp lleisiol benywaidd poblogaidd Cwlwm, a ryddhaodd ddwy gryno-ddisg ar label Sain yn ystod yr 1990au.<br /> <br /> Bu’r cyfuniad o reddf gerddorol naturiol a thechneg gadarn yn fodd i Shân Cothi ymgodymu â ''repertoire'' cerddorol tra eang. Mae wedi [[perfformio]] ym meysydd [[oratorio]], [[opera]], theatr gerdd a [[cherddoriaeth boblogaidd]], a bydd yn aml yn canu [[caneuon traddodiadol]] Cymreig. Ymddangosodd mewn nifer o’r prif neuaddau cyngerdd, yn eu plith Canolfan y Mileniwm yng Nghaerdydd, Theatr ei Mawrhydi a Neuadd Albert yn Llundain a’r Kowloon Shanghai Hotel yn Hong Kong, ynghyd â chanu gyda [[Bryn Terfel]] yng [[Ngŵyl]] y Faenol yn 2008.<br /> <br /> Mae ei gyrfa deledu wedi cwmpasu dwy gyfres ar S4C rhwng 1998 ac 1999, ac enillodd wobr BAFTA ynghyd ag enwebiad ar gyfer un o wobrau Montreux. Un o’i phortreadau mwyaf llwyddiannus oedd rhan Carlotta yn ''The Phantom of the Opera'' Andrew Lloyd Webber, a hynny dros gyfnod o flwyddyn a hanner yn y West End. Hi hefyd oedd Davina Roberts yng nghyfres ddrama S4C ''[[Con Passionate]]'' (Apollo, 2005–8), cyfres a enillodd wobrau BAFTA a gwobr gyntaf yng ngwobrau y Rose d’Or. Yn ddiweddarach bu’n gyd-gyflwynydd y gyfres ''Bro'' ar S4C (Telesgop, 2009–12). Daeth ei brwdfrydedd heintus a’i hiwmor parod yn gyfarwydd iawn i gynulleidfaoedd yng Nghymru, er iddi brofi tristwch yn ei bywyd personol yn 2007 pan gollodd ei chymar Huw Justin Smith, gitarydd bas i’r [[grŵp roc]] Tigertailz, wythnosau’n unig wedi iddynt briodi.<br /> <br /> Cydnabuwyd aml ddoniau Shân Cothi gan nifer, gan gynnwys y canwr [[Bryn Terfel]], a ddywedodd am ei record unawdol ''Passione'': ‘Cothi yr Eisteddfodwraig; Cothi y berfformwraig sioe gerdd; Cothi y [[cyflwynydd]] teledu; Cothi yr actores, ac yn olaf, ond nid yn lleiaf, Cothi yr artist recordio. Pluen arall yn ei chap!’<br /> <br /> '''Lyn Davies'''<br /> <br /> ==Disgyddiaeth==<br /> <br /> '''Gyda Cwlwm:'''<br /> :''Cwlwm – Carolau’r Byd'' (Sain SCD2051, 1993)<br /> :''Cwlwm – Heddiw ’Fory'' (Sain SCD2078, 1996)<br /> <br /> '''Fel unawdydd:'''<br /> :''Passione'' (Sain SCD2520, 2005)<br /> <br /> ==Llyfryddiaeth==<br /> <br /> :https://en.wikipedia.org/wiki/shan-cothi <br /> :https://www.bbc.co.uk/wales/justthejob/takeitfromme <br /> :https://www.welshicons.org.uk/html/shan_cothi<br /> :Nodiadau rhaglen ''The Phantom of the Opera'' (Llundain, 1998–9)<br /> <br /> {{CC BY-SA Cydymaith}}</div>

CadiW