https://wici.porth.ac.uk/index.php?action=history&feed=atom&title=Datganiad_i%27r_wasg 2026-05-21T20:19:17Z Hanes diwygio'r dudalen hon ar y wici MediaWiki 1.28.0 https://wici.porth.ac.uk/index.php?title=Datganiad_i%27r_wasg&diff=2422&oldid=prev 2018-06-14T16:16:38Z

<p>Crëwyd tudalen newydd yn dechrau gyda &#039;Saesneg: &#039;&#039;Press release&#039;&#039; Taflen neu ddogfen sy’n cael ei hanfon at sefydliadau newyddion yn rhad ac am ddim yn y gobaith y bydd y deunydd sydd ynddo...&#039;</p> <p><b>Tudalen newydd</b></p><div>Saesneg: ''Press release''<br /> <br /> Taflen neu ddogfen sy’n cael ei hanfon at sefydliadau newyddion yn rhad ac am ddim yn y gobaith y bydd y deunydd sydd ynddo yn cael ei ddefnyddio fel newyddion. Yn aml, mae ar ffurf stori newyddion sy’n ymddangos yn wrthrychol, ond nod y datganiadau hyn yw tynnu sylw [[gohebydd]] neu olygydd i gynhyrchu stori sy’n cyd-fynd â gogwydd y newyddion a fynegir yn y datganiad.<br /> <br /> Mae’r datganiadau’n cyrraedd stafelloedd newyddion, neu ohebwyr unigol yn ddyddiol drwy e-bost, neu yn llai aml bellach, drwy ffacs neu lythyr. Y datganiadau mwyaf defnyddiol i newyddiadurwyr yw’r rhai sy’n eu hysbysu am gyfarfodydd, agendâu a digwyddiadau. Serch hynny, maen nhw’n parhau ymysg yr ymdrechion mwyaf amlwg i roi cyhoeddusrwydd i fuddiannau sefydliad trwy geisio dylanwadu ar y cyfryngau newyddion.<br /> <br /> Daw datganiadau i’r wasg o ffynonellau swyddogol megis llywodraethau neu gyrff statudol, cyrff masnachol sy’n ceisio hysbysebu eu nwyddau, elusennau neu grwpiau ymgyrchu, a sefydliadau lleol sy’n gobeithio rhoi cyhoeddusrwydd i’w gweithgareddau. <br /> <br /> Mae cwmnïau cysylltiadau cyhoeddus, sydd fel arfer yn gyfrifol am ddatganiadau i’r wasg, yn aml yn cyflogi cyn-newyddiadurwyr i greu’r datganiadau mewn ffyrdd a fydd yn gwella’r siawns o lwyddiant. Er na roddir sylw i’r rhan fwyaf o ddatganiadau, daw rhai yn straeon newyddion, yn enwedig mewn stafelloedd newyddion lle y mae prinder newyddiadurwyr a phwysau gwaith cynyddol. Mewn achosion o’r fath, mae’r datganiadau yn wybodaeth defnyddiol sydd ar gael yn y fan a’r lle. Gelwir y math hwn o newyddiaduraeth yn ''churnalism'' yn Saesneg. <br /> <br /> <br /> <br /> {{CC BY-SA}}<br /> <br /> <br /> <br /> [[Categori:Newyddiaduraeth]]</div>

Gwenda Richards