https://wici.porth.ac.uk/index.php?action=history&feed=atom&title=Hysbysiad_DSMA 2026-05-22T00:42:55Z Hanes diwygio'r dudalen hon ar y wici MediaWiki 1.28.0 https://wici.porth.ac.uk/index.php?title=Hysbysiad_DSMA&diff=2450&oldid=prev 2018-06-20T14:30:22Z

<p>Crëwyd tudalen newydd yn dechrau gyda &#039;&#039;&#039;&#039;Hysbysiad cynghori’r cyfryngau ar amddiffyn a diogelwch&#039;&#039;&#039; Saesneg: &#039;&#039;Defence and Security Media Notic&#039;&#039;e, cynt &#039;&#039;Defence Advisory Notice&#039;&#039; Hysbys...&#039;</p> <p><b>Tudalen newydd</b></p><div>'''Hysbysiad cynghori’r cyfryngau ar amddiffyn a diogelwch''' <br /> <br /> Saesneg: ''Defence and Security Media Notic''e, cynt ''Defence Advisory Notice''<br /> <br /> Hysbysiad a ddosbarthwyd gan swyddogion Llywodraeth y Deyrnas Unedig (DU) yn gofyn bod newyddiadurwyr yn osgoi cyhoeddi neu ddarlledu eitem newyddion oherwydd ei fod yn debygol o fod yn sensitif i ddiogelwch cenedlaethol.<br /> <br /> Yn 1912, daeth y Morlys a’r Swyddfa Rhyfel i’r casgliad bod angen rhyw ffordd i wahardd y wasg rhag cyhoeddi gwybodaeth a allai fod yn werthfawr i’r gelyn. Ar ôl cryn drafod rhwng y Swyddfa Rhyfel a nifer o gymdeithasau’r wasg, cytunwyd i sefydlu corff a fyddai’n delio â’r mater, gyda’r wasg yn cael ei chynrychioli. Cafwyd sicrwydd taw materion a oedd yn effeithio’n wirioneddol ar les y wlad yn unig a fyddai dan sylw.<br /> <br /> Mae Pwyllgor Ymgynghorol y Cyfryngau ar Faterion Amddiffyn a Diogelwch (''Defence and Security Media'' ''Advisory Committee'') yn goruchwylio cod gwirfoddol sy’n gweithredu rhwng adrannau Llywodraeth y DU sydd â chyfrifoldebau dros ddiogelwch gwladol, a’r cyfryngau. Mae’n defnyddio’r system hysbysiadau cynghori’r cyfryngau amddiffyn a diogelwch (DSMA) fel ei chyfrwng. Amcan y system hysbysiad DSMA yw atal datgelu gwybodaeth, yn anfwriadol ac yn gyhoeddus a fyddai’n peryglu gweithrediadau a dulliau milwrol a chudd-wybodaeth y DU, neu’n peryglu diogelwch y rhai sy’n ymwneud â gweithrediadau o’r fath, neu’n arwain at ymosodiadau a fyddai’n niweidio’r seilwaith cenedlaethol hollbwysig a/neu’n peryglu bywydau.<br /> <br /> Fe’i gelwid gynt yn ''D-Notice'', ac yna yn ''DA-Notices'' yn 1993, ac yna yn Hysbysiad DSMA yn 2015, a newidiwyd enw’r pwyllgor goruchwylio i Bwyllgor DSMA. Nid yw’n rhwym i Ddeddf Rhyddid Gwybodaeth 2000 neu Ddeddf Rhyddid Gwybodaeth (yr Alban) 2002.<br /> <br /> Mae’r system yn wirfoddol. Nid oes ganddi unrhyw awdurdod cyfreithiol, a’r [[golygydd]] neu’r cyhoeddwr sy’n gyfrifol yn y pen draw am benderfynu a ddylid darlledu’r eitem newyddion/cyhoeddi’r erthygl. Er bod y system yn adlewyrchu cod gwirfoddol heb rym cyfreithiol, gellir dwyn pwysau ar newyddiadurwyr i gydweithredu. <br /> <br /> Wedi’i oruchwylio gan Bwyllgor Cynghori’r Cyfryngau ar Amddiffyn a Diogelwch, lle y mae aelodau ohono’n cael eu tynnu o’r Llywodraeth a’r cyfryngau, mae’r Ysgrifennydd Hysbysiad DSMA yn trafod anghydfodau ynghylch yr hyn y gellir ac na ellir ei gyhoeddi, ac fel arfer y penderfyniad yw dileu rhai ‘manylion gwirioneddol cyfrinachol’ o stori newyddion yn hytrach na rhwystro ei chyhoeddi’n gyfan gwbl drwy fynd i gyfraith.<br /> Mae’r pum Hysbysiad DSMA sefydlog ar hyn o bryd yn cyfeirio at:<br /> # Gweithrediadau milwrol, cynlluniau a galluoedd;<br /> # Arfau ac offer niwclear a di-niwclear;<br /> # Seiffrau a chyfathrebu diogel;<br /> # Gosodiadau sensitif a chyfeiriadau cartref; a<br /> # Gwasanaethau diogelwch a chudd-wybodaeth y DU a gwasanaethau arbennig.<br /> <br /> <br /> {{CC BY-SA}}<br /> [[Categori:Newyddiaduraeth]]</div>

Gwenda Richards