https://wici.porth.ac.uk/index.php?action=history&feed=atom&title=Ll%C3%AAn_micro 2026-05-21T20:28:46Z Hanes diwygio'r dudalen hon ar y wici MediaWiki 1.28.0 https://wici.porth.ac.uk/index.php?title=Ll%C3%AAn_micro&diff=1418&oldid=prev 2016-07-19T23:15:33Z

<p>Crëwyd tudalen newydd yn dechrau gyda &#039;__NOAUTOLINKS__ Darn byr o ryddiaith greadigol yw darn o lên micro. Er y gall rannu rhai o nodweddion y stori fer, y mae’n fyrrach o lawer. Oherwydd ei...&#039;</p> <p><b>Tudalen newydd</b></p><div>__NOAUTOLINKS__<br /> Darn byr o ryddiaith greadigol yw darn o lên micro. Er y gall rannu rhai o nodweddion y stori fer, y mae’n fyrrach o lawer. Oherwydd ei hyd a’r cynildeb awgrymog yr anelir ato, cyfeiriwyd at y ffurf gan un beirniad fel ‘englynion mewn rhyddiaith’, ac ar ei gorau mae’n ffurf dra chywasgedig a chyfoethog, gyda phob gair yn talu am ei le mewn modd tebyg i’r hyn yr anelir ato mewn barddoniaeth.<br /> <br /> Gwelwyd enghreifftiau o ddarnau yn y dull hwn yng nghyfrol Robin Llywelyn, ''Y Dŵr Mawr Llwyd'' (1995). Cynigiwyd gwobr am gasgliad o ddeg o storïau byrion ar ffurf llên micro, rhwng 50 a 250 o eiriau yr un, yn Eisteddfod Genedlaethol 2000. Cyfeiriodd y beirniad, Jerry Hunter, at straeon Robin Llywelyn fel yr enghreifftiau cynharaf y gwyddai amdanynt yn Gymraeg. Enillwyd y gystadleuaeth gan Siân Northey, a ystyrir bellach yn un o feistri’r ffurf. Daeth y gystadleuaeth yn un rheolaidd yn yr Eisteddfod Genedlaethol yn y ganrif hon. Un o’r enghreifftiau mwyaf adnabyddus o lên micro yn Gymraeg yw ''Symudliw'', cyfrol Annes Glynn a enillodd y Fedal Ryddiaith yn 2004. Dyma’r tro cyntaf i’r ffurf ddod i’r brig yn y gystadleuaeth hon, a chydnabu’r beirniaid newydd-deb y ffurf ar y pryd. <br /> <br /> Oherwydd ei bod yn ffurf gymharol newydd ni cheir diffiniadau pendant o lên micro, ond y mae cynildeb ac awgrymusedd yn nodweddion cyffredin. Wrth feirniadu cystadleuaeth llên micro yn Eisteddfod Genedlaethol 2005, nododd Manon Rhys fod y stori ficro yn ‘hynod fyr, yn dynn ac yn gynnil’, a bod ‘paragraff neu ddau’n cyfleu’r un dyfnder a’r un ehangder ag a geir mewn stori hwy o lawer’. <br /> <br /> '''Llŷr Gwyn Lewis a Robert Rhys'''<br /> == Llyfryddiaeth ==<br /> Glynn, A. (2004), ''Symudliw'' (Caernarfon: Gwasg Gwynedd).<br /> <br /> Hunter, J. (2004), 'Beirniadaeth: casgliad o 10 stori ar ffurf llên meicro', ''Cyfansoddiadau a Beirniadaethau Eisteddfod Genedlaethol Cymru Casnewydd a'r Cylch 2004'' (Llys yr Eisteddfod Genedlaethol), tt. 123-127.<br /> <br /> Owen, J. J. (2013), ''Gwe o Glymau Sidan'' (Llanrwst: Gwasg Carreg Gwalch).<br /> <br /> Rhys, M. (2005), 'Beirniadaeth: casgliad o 10 stori ar ffurf llên meicro', ''Cyfansoddiadau a Beirniadaethau Eisteddfod Genedlaethol Cymru Eryri a'r Cyffiniau 2005'' (Llys yr Eisteddfod Genedlaethol), tt.131-135.<br /> <br /> Stein, J. (gol) (1996), ''Micro Fiction'' (London: W.W. Norton &amp; Company).<br /> {{CC BY-SA}}<br /> [[Categori:Beirniadaeth a Theori]]</div>

SeimonBrooks