https://wici.porth.ac.uk/index.php?action=history&feed=atom&title=Moeseg 2026-05-22T03:22:19Z Hanes diwygio'r dudalen hon ar y wici MediaWiki 1.28.0 https://wici.porth.ac.uk/index.php?title=Moeseg&diff=2457&oldid=prev 2018-06-20T15:01:13Z

<p>Crëwyd tudalen newydd yn dechrau gyda &#039;Saesneg: &#039;&#039;Ethics&#039;&#039; Egwyddorion arfer da sy’n berthnasol i newyddiaduraeth. Fe’i gwelir fel amddiffyniad yn erbyn camymddygiad newyddiadurol er budd...&#039;</p> <p><b>Tudalen newydd</b></p><div>Saesneg: ''Ethics''<br /> <br /> Egwyddorion arfer da sy’n berthnasol i newyddiaduraeth. Fe’i gwelir fel amddiffyniad yn erbyn camymddygiad newyddiadurol er budd y cyhoedd. Mae moeseg newyddiadurol hefyd yn gysylltiedig â throi newyddiaduraeth yn broffesiwn, ac wedi datblygu wrth i newyddiaduraeth ei hun newid. Er y caiff moeseg newyddiadurol ei fynegi mewn codau gweithredu cyffredinol sy’n gymwys i aelodau o gorff newyddion neu weithwyr cyfrwng penodol, daeth y cod moesegol cyntaf ar gyfer newyddiadurwyr yn Unol Daleithiau’r America i rym yn 1910, gan grŵp o olygyddion elitaidd a oedd eisiau canfod safonau gweithredu ar gyfer aelodau’r proffesiwn newydd. <br /> <br /> Ar hyn o bryd, mae’r rhan fwyaf o newyddiadurwyr mewn gwledydd democrataidd yn arddel syniad o gyfrifoldeb cymdeithasol, ac y dylent weithio er lles y cyhoedd. Mae’r codau moeseg yn cwmpasu cywirdeb, gwirionedd, didueddrwydd, amrywiaeth, tegwch ac atebolrwydd cyhoeddus. Maen nhw hefyd wedi ymateb i newidiadau mewn ymarferion newyddion, trawsnewidiadau mewn technoleg a rôl newyddiaduraeth a’i pherthynas â’r cyhoedd. <br /> <br /> Mae troseddau moesegol wedi amrywio yn ôl [[arddull]], cynnwys a ffurf. Maent yn cynnwys perthynas â ffynonellau, ymosodiad ar breifatrwydd, y gwrthdaro rhwng buddiannau, camddefnyddio lluniau newyddion, cwestiynau ynghylch tegwch ac amrywiaeth, twyll, camdriniaeth a [[llên-ladrad]], ymhlith eraill. <br /> <br /> Bu llu o ymdrechion i gydlynu egwyddorion cyffredin ar draws gwahanol godau moeseg: yr enghreifftiau mwyaf adnabyddus yw ''EthicNet'' (sy’n casglu codau moesegol o wledydd sy’n gysylltiedig â Chyngor Ewrop) a MAS (''Media Accountability Systems'', a ddatblygwyd gan Jean-Claude Bertrand yn 2000). At hynny, mae rhai arferion (megis yr ombwdsman, mudiadau ar gyfer beirniadu’r cyfryngau neu adolygiad newyddiaduraeth) wedi datblygu fel ffyrdd o orfodi’r arferion moesegol gorau posibl. Serch hynny, mae moeseg yn parhau i fod yn set anghydweddol o ddisgwyliadau ag egwyddorion.<br /> <br /> <br /> {{CC BY-SA}}<br /> [[Categori:Newyddiaduraeth]]</div>

Gwenda Richards