https://wici.porth.ac.uk/index.php?action=history&feed=atom&title=Normau 2026-05-22T00:42:55Z Hanes diwygio'r dudalen hon ar y wici MediaWiki 1.28.0 https://wici.porth.ac.uk/index.php?title=Normau&diff=6058&oldid=prev 2024-09-07T13:52:09Z

<p>Crëwyd tudalen newydd yn dechrau gyda &#039;(Saesneg: &#039;&#039;Norms&#039;&#039;) O fewn pob cymdeithas mae safonau a disgwyliadau o ran ymddygiad priodol ac amhriodol grwpiau ac unigolion mewn amryw o sefyllfaoedd...&#039;</p> <p><b>Tudalen newydd</b></p><div>(Saesneg: ''Norms'')<br /> <br /> O fewn pob cymdeithas mae safonau a disgwyliadau o ran ymddygiad priodol ac amhriodol grwpiau ac unigolion mewn amryw o sefyllfaoedd, ac mae normau cymdeithasol yn cyfeirio at y safonau a’r disgwyliadau hyn. Mae gosod normau yn gysyniad canolog yn y gwyddorau cymdeithasol gan eu bod yn sylfaen i’r ffordd rydym yn ymddwyn o fewn cymdeithas. Fel arfer mae normau’n adlewyrchu [[gwerthoedd]] allweddol. Yn gyffredinol, dydyn ni ddim yn meddwl am y normau cymdeithasol rydyn ni’n eu dilyn o ddydd i ddydd (Prys a Hodges 2020).<br /> <br /> Mae normau’n chwarae rhan allweddol wrth gynnal trefn a sefydlogrwydd cymdeithasol. Os bydd normau cymdeithasol yn dirywio, fel arfer o ganlyniad i newid cymdeithasol, bydd hyn yn arwain at gyflwr o [['''anomie''']] (Morris-Jones 1984/2015). Mae anomie’n gysyniad pwysig yng ngwaith [[Durkheim]].<br /> <br /> Ar y llaw arall, mae theorïau gwrthdaro megis [[Marcsaeth]], [[ffeministiaeth]], [[theori feirniadol hil]], [[theori feirniadol anabledd]], [[ôl-drefedigaethedd]] a [[theori cwia]]r yn credu y dylem herio rhai o’r normau a’r rheolau sy’n bodoli mewn cymdeithas oherwydd eu bod yn credu eu bod nhw’n trin grwpiau cymdeithasol yn wahanol i’w gilydd.<br /> <br /> Mae normau a [[gwerthoedd]] cymdeithasol i’w canfod ym mhob cymdeithas ac maent yn chwarae rhan allweddol o [[ddiwylliant]] grŵp.<br /> Mae normau a [[gwerthoedd]] yn cael eu trosglwyddo drwy [[gymdeithasoli]].<br /> <br /> <br /> '''Adam Pierce'''<br /> <br /> ==Llyfryddiaeth==<br /> <br /> Prys, C. a Hodges, R. (2020) ''Cyflwyniad i Gymdeithaseg'' https://indd.adobe.com/view/0b0da3d8-e44e-4900-8475-a3c016add729 [Cyrchwyd: 29 Medi 2021].<br /> <br /> Morris-Jones, H. (1984/2015), ''Y Meddwl Modern: Durkheim'' https://llyfrgell.porth.ac.uk/View.aspx?id=1415~4l~LpqkFfRf [Cyrchwyd: 18 Mehefin 2021].<br /> <br /> {{CC BY-SA}}<br /> [[Categori:Gwyddorau_Cymdeithasol]]</div>

AdamPierceCaerdydd