Y gwahaniaeth rhwng diwygiadau o "Awdl-gywydd"
Oddi ar WICI
| Llinell 5: | Llinell 5: | ||
:ar un sant o’r ynys hon, | :ar un sant o’r ynys hon, | ||
:Dewi gâr, lle dug urael, | :Dewi gâr, lle dug urael, | ||
| − | |||
:Dogwael o Geredigion, | :Dogwael o Geredigion, | ||
| − | |||
:ac ŵyr ydiw i Geredig | :ac ŵyr ydiw i Geredig | ||
| − | |||
:a drig ymyl dŵr eigion ... | :a drig ymyl dŵr eigion ... | ||
Diwygiad 20:59, 19 Hydref 2016
Mesur cwpledol fel y cywydd deuair hirion yw’r awdl-gywydd, gyda phob cwpled yn cynnwys dwy linell seithsill, ond, yn wahanol i’r cywydd, gall y llinellau ddiweddu’n acennog neu’n ddiacen. Yn ogystal, y mae diwedd y llinell gyntaf yn odli â gorffwysfa’r ail linell, a diwedd yr ail linell yn cynnal y brifodl. Dyma linellau agoriadol ‘Awdl-gywydd i Ddewi Sant’ gan Lewys Glyn Cothi:
- Mae ’mhwys, mewn crwys, lle croesant,
- ar un sant o’r ynys hon,
- Dewi gâr, lle dug urael,
- Dogwael o Geredigion,
- ac ŵyr ydiw i Geredig
- a drig ymyl dŵr eigion ...
Alan Llwyd
Llyfryddiaeth
Johnston, D. (1995), Gwaith Lewys Glyn Cothi (Caerdydd: Gwasg Prifysgol Cymru).
Llwyd, A. (2007), Anghenion y Gynghanedd (Llandybïe: Cyhoeddiadau Barddas).
Morris-Jones, J. (1925), Cerdd Dafod sef Celfyddyd Barddoniaeth Gymraeg (Rhydychen: Gwasg Clarendon).
- Mae testun y cofnod hwn wedi’i ryddhau dan y drwydded Creative Commons BY-SA 4.0, sy’n eich caniatáu i’w ail-ddefnyddio a’i newid mewn unrhyw ffordd os ydych yn rhoi cydnabyddiaeth ar ffurf dolen i’r dudalen hon, ac yn trwyddedu eich fersiwn ddeilliadol yn yr un modd. Gweler testun y drwydded am ragor o fanylion.
