Sam Tân

Crynodeb

Un o'r cyfresi mwyaf poblogaidd erioed i blant oed meithrin, o fewn unrhyw genre. Cychwynnodd dros 25 mlynedd yn ôl, a mae wedi ei dangos ledled y byd. Mae'n olrhain hanes Sam y dyn tân a'i gyfeillion, yn blant ac oedolion, ym mhentref cyfeillgar Pontypandy yng nghymoedd De Cymru (o'r chweched gyfres ymlaen , symudwyd y pentref i lan y môr). Fe'i crëwyd yn wreiddiol gan ddau swyddog tân, ac mae negeseuon diogelwch yn rhan annatod ohoni, ond heb amharu ar hwyl y straeon bywiog. Fe'i cynhyrchwyd yn y Gymraeg a Saesneg o'r cychwyn cyntaf, gan dderbyn ei llwyddiant gwreiddiol yn yr 1980au hwyr/1990au cynnar: animeiddiwyd pedair cyfres bryd hynny drwy ddull stop-symud gyda modelau. Fe'i hatgyfodwyd yn 2003 gan ddefnyddio cyfuniad o animeiddio stop-symud a rhai elfennau cyfrifiadurol. O 2008 fe'i hanimeiddiwyd yn gyfan gwbl ar gyfrifiadur, ac yn Llundain a China y'i cynhyrchir bellach.

Manylion Pellach

Teitl Gwreiddiol Sam Tân

Teitl amgen Fireman Sam

Blwyddyn 1985 hyd heddiw

Hyd Penodau/Cyfresi

• 8 Pennod 10 munud (cyfresi 1-4, + un bennod 20 munud ychwanegol yng nghyfres 3)
• 26 Pennod 10 munud (cyfresi 5-8)

Darlledwyr

• S4C (Cymraeg)
• BBC One/BBC Two (Saesneg, cyfresi 1-4)
• BBC Two/CBeebies (Saesneg, cyfres 5)
• CITV/Channel 5 (Saesneg, cyfres 6 hyd heddiw)

Dyddiad y Darllediad Cyntaf

• Rhagfyr 1985 (Cymraeg)
• 17 Tachwedd 1987 (Saesneg)

Cyfarwyddwr

• John Walker (cyfresi 1-4)
• Ian Frampton (cyfresi 3 - 4)
• Jerry Hibbert (cyfresi 6-7)
• Gary Andrews (cyfres 8)

Prif Animeiddiwr / Cyfarwyddwr Animeiddio

• John Walker (cyfresi 1-4)
• George Laban (cyfres 4)
• Brian Anderson (cyfresi 3-4)
• Timon Dowdswell (cyfres 5)
• Gary Andrews (cyfresi 6-7)
• Laura DiMaio (cyfres 6)
• Zhaoquin Zhai (cyfres 8)
• Jane Ma (cyfres 8)

Sgript gan

• Nia Ceidiog (cyfresi 1-4)
• Robin Lyons (cyfres 5)
• Andrew Brenner (cyfresi 6-7)
• Laura Beaumont (cyfres 8)
• Rosanne Reeves (fersiwn Gymraeg, cyfresi 6-8)

Stori gan Dave Gingell a Dave Jones gyda chymorth Mike Young (syniad gwreiddiol)

Cynhyrchwyr

• Ian Frampton, John Walker (cyfresi 1 - 4)
• Philip Evans (is-gynhyrchydd, cyfres 3)
• Robin Lyons (cyfres 5)
• Simon Quinn (cynhyrchydd gweithredol, cyfres 5)
• Margo Marchant, Lesley Sawl (cyfres 6 - 7)
• Jen Upton (cynhyrchydd arolygol, cyfresi 6-7)
• Lisa Pacheco (cyfres 8)
• Jo Aslett (is-gynhyrchydd, cyfres 8)

Uwch-gynhyrchwyr

• Christopher Grace, Theresa Plummer-Andrews (cyfresi 3-4)
• Anna Home (S4Ci), Siwan Jobbins (S4C), Jocelyn Stevenson (HiT) (cyfres 5)
• Christopher Skala (cyfresi 6-7)
• Marion Edwards (HiT), Siân Eirian (S4C) (cyfres 8)

Cwmnïau Cynhyrchu

• Bumper Films (cyfresi 1-4)
• Siriol Productions (cyfres 5)
• HiT Entertainment & Xing Xing Digital Corp. (cyfresi 6 - 8)
• Atsain/Rondo (fersiwn Cymraeg, cyfresi 6-8)

Techneg Animeiddio

• Animeiddio stop-symud (cyfresi 1-5)
• Animeiddio cyfrifiadurol (cyfresi 6-8)